Pahargyan Pangaten

Assalamu’alaikum wr.wb

Kasugengan tuwin kabagyan awit saking sih wilasaning Gusti Ingkang Maha Wikan, mugi tansah hamberkahi – hangayomi para tamu ingkang kinurmatan.

Kawula nuwun, mugi dipun agung ing pangaksami, dene kula kumawantu ngaruwuwus anggenipun para tamu sami sakeca imbal wacana kalihan kadang mitra – kawruh inggih labet anggen kula minangkani pamundhutipun Bapa . . . sakalihan garwa ingkang miji dhumateng kula supados analang basa, matur ing ngarsanipun para tamu ingkang satuhu mahambeg berbudi darma.

Para tamu kakung sumawana putri ingkang winantu ing pakurmatan,

Sepisan, sinartan ngunjukaken puja – puji syukur konjuk ngarsa – dalem Gusti Ingkang Maha Suci, kula ngaturaken sugeng rawuh sarta atur panuwun ingkang tanpa pepindhan katur para tamu sadaya ingkang sampun kapareng minangkani panyuwunipun bapa . . . sekalihan garwa.

Kaping kalih, kula nyuwunaken pangapunten ingkang sak langkung ageng, dene panjenenganipun bapa . . . anggenipun nampi rawuhipun para tamu boten saged ndadosaken sajruning panggalih, inggih amargi kirang gupuh, aruh, suguh, saha tambuh, punapa dene anggenipun caos pakurmatan boja krami kirang mranani. Sadaya kala wau boten kajarag nanging kabekta saking kawontenan ingkang sarwi winates.

Dene atur ingkang kaping tiga, kula badhe ngaturaken menggah wigatosing prelu gantining karya ing pahargyan siyang / ratri* kalenggahan punika, sanadyan sampun trawaca sinerat ing serat sedhahan.

Ingkang salajengipun wonten ing pahargyan siyang/ratri* kalenggahan punika kasuwunaken puji – pangestu katur para tamu, mugi – mugi pinanganten pinaringan berkahing Gusti Ingkang Maha Suci dados kulawarga sakinah, mawadah, warohmah, dirge yuswa dirga hayu, bagya mulya kalis ing rubeda, hayu hayem hangayomi tinebihaken saking dahuru daredahing sesemahan tundhonipun pinaringan tuwuhing wiji, anak anung anindhita ingkang saged nyambet sejarah rah – tumerapipun temanten sarimbit.

Ing wasana kula namung titah sawantah nglenggana cubluk ing seserepan, kirang ing pangawikan. Awit saking punika minangka panutuping atur, menawi wonten kirang langkung kula nyuwun pangapunten.

Wassalamu’alaikum wr.wb